«Төрлет бізге жаңа-жыл»

    Бірсуат орта  мектебінде желтоқсан айының  27 жұлдызында сағат 10:00-де оқушылардың шығармашылық қиялын дамыту мақсатында  1-4 сыныптар аралығында «Төрлет бізге жаңа-жыл» атты мерекелік концерт ұйымдастырылды. Кеш барысында Аяз ата мен Ақшақар келіп, балалардың дайындаған концертін тамашалады. Сынып жетекшілері әр түрлі сайқымазақ киімдерін киіп, мысық, тауық, мыстан кемпір, т.б кейіпкерлер рольін сомдап, қойылымдар жасады. Оқушылар тақпақ айтып, әндер айтып, билер билеп, Аяз атадан сыйлықтар алды. Сонымен қатар ауылдағы ТОО «Баймырза-АГРО» компаниясы 1-4 аралығындағы сынып оқушыларына демеушілік жасап, арнайы жаңа-жылдық сыйлықтар тапсырды. Желтоқсан айының 27 жұлдызында сағат 17:00-де 5-7 сыныптар аралығында «Қош келдің Жаңа-жыл» атты мерекелікконцерт болып өтті. Концерт барысында ұйымдастырушылар түрлі ойындар ойнатып, командаларға бөліп жарыс түрінде қызықты қылып өткізді. Жеңген топтар Аяз атадан арнайы сыйлықтар алып отырды. Желтоқсан айының 28 жұлдызында сағат 19:00-де 8-11 сыныптар аралығында  «Жаңа – жыл, жаңа ғасыр» атты мерекелік концерт өткізілді. 9 сынып оқушыларымен ұйымдастырылған кеш өте қызықты өтті. Кеш барысында әр оқушылар өнер көрсетіп, түрлі ойындар ойнатылып, жасыл шыршаның  айналасын шатыққа бөледі. Кеш соңы оқушылар биіне жалғасты. Сонымен қатар ауылдағы ТОО «Баймырза-АГРО» компаниясы 1-9 сынып аралығындағы сынып оқушыларына демеушілік жасап, арнайы жаңа-жылдық сыйлықтар тапсырылды.